“Қазақстан балалары шексіз әлемде” IX Республикалық балалар кинофестивалінің қалалық кезеңі өтті.

    Алматы қаласы Білім басқармасы мен Темірбек Жүргенов атындағы өнер академиясының қолдауымен, “№7 Оқушылар үйі” МКҚК ұйымдастыруымен “Қазақстан балалары шексіз әлемде” IX Республикалық балалар кинофестивалінің қалалық кезеңі өтті.

Кинофестивальге қатысушылар 7 номинация бойынша өздерінің үздік жұмыстарын ұсынды:
    •    Ойынды кино    •    Деректі кино    •    Жандандыру (анимация)    •    Үздік бейнеклип    •    Балаларға арналған ең үздік бағдарлама    •    Телевизиялық сюжет    •    Үздік ғылыми-танымал фильм
Кинофестивальдің мақсаты:

Еліміздің болашағын жалғайтын, қоғамның қозғаушы күшіне айналатын жастардың шығармашылығын қолдау және қазақстандық балалар киноиндустриясын дамыту.

Биылғы қалалық кезеңге 85 жұмыс қатысып, үздік деп танылған фильмдер 12-15 мамыр аралығында өтетін республикалық байқауға жолдама алды.