«Ұлттық өнер – тәрбие көзі» атты қалалық шеберлік сабағы өтті

Алматы қаласы Білім басқармасының «№7 Оқушылар үйі» МКҚК мекемесінің өзіндік қалыптасқан дәстүрлі, жыл сайын өткізетін  Абай атындағы Қазақ Ұлттық педагогикалық университетінің «Өнер, мәдениет және спорт» институтымен екі жақты келісімшарт негізінде 29 наурыз күні  «Ұлттық өнер – тәрбие көзі» атты қалалық іс-шара ұйымдастырды. Мақсаты: шығармашыл ұстаздардың кәсіби шеберліктерін шыңдау, жаңа технологияларды дер кезінде меңгерту, тәжірибе алмасу, әр үйірме сабақтарында әдіс-тәсілдерді ұтымды пайдалану арқылы жаңа форматта сабақтар өткізуге дағдыландыру, оқушылар үшін кәсіби бағытқа жол ашу, болашақ мамандықтарын таңдауға бағыттау.Семинар-практикумда «Академиялық сурет» тақырыбында -  ҚР Суретшілер Одағының мүшесі, профессор Жаманқараев Серғазы Құсайынұлы, «Аксессуарларды жасаудағы киіз технологиясы» тақырыбында -   ҚР Суретшілер Одағының мүшесі, ҚР Этнодизайнерлер одағының мүшесі, аға оқытушы Аденова Ляззат Жолдаспаевна және № 7 Оқушылар үйінің «Ақзер» қолданбалы өнер студиясының жетекшісі Қарғабаева Клара Дүйсебекқызы «Батик» тақырыбында жоғары деңгейде шеберлік сабақтарын өткізді. Іс-шараға Алматы қаласының және Алматы облысынан  50- ге жуық «Бейнелеу өнері мен технология пәні» мұғалімдері мен қосымша білім беру педагогтері  қатысты. Қосымша білім беру педагогтерімен қатар жалпы білім беретін мектептердің бейнелеу өнері және технология сабақтарының мұғалімдерінің кәсіби шыңдалуына жол ашатын, заманауи әдіс-тәсілдермен өткізілген сабақтардан қала ұстаздары мол тағылым ала алды. Тәжірибе алмасу соңында жылы лебіздер мен пікірлерін жолдаған тыңдаушылар, алдағы уақытта да осындай ауқымды, әсерлі, пайдалы семинарлар көптеп ұйымдастырылса деген ізгі тілектерін жеткізді. Іс-шара соңында барлық қатысушыларға «№7 Оқушылар үйі» МКҚК директоры Избасарова Гүлім Қуатбекқызы сертификаттар табыс етті.    https://www.instagram.com/reel/C5GgS1gNYJr/?utm_source=ig_web_copy_link&igsh=MzRlODBiNWFlZA==

https://www.instagram.com/reel/C5GfxwBttxR/?utm_source=ig_web_copy_link&igsh=MzRlODBiNWFlZA==